VOV4.M’nông – Ôi 12/11, ăp ntŭk kan ƀư trong rdâk nkra tay pĭch rlâm Quốc lộ 27C, lvang hăn rlău yôk Khánh Lê, ta neh nkuăl Khánh Vĩnh, n’gor Khánh Hòa jêh rnôk mbơh trong 1 mbôr ndeh tâm măng 11/11. Yor khuch bah mih têh jŏ jong, Quốc lộ 27C, lvang rlău yôk Khánh Lê geh pĭch rlâm ta 4 ntŭk. Tâm nĕ, ta Km41+300, lvang rlău xă Sơn Thái, nkuăl Khánh Vĩnh, n’gor Khánh Hòa geh pĭch rlâm kơh măt trong ƀư kol trong hăn, rnoh lŭ neh nklăp 9000m3.

Ntŭk kan dôl ƀư lĕ nsrôih soih trong Quốc lộ 27C

Chi cục mât uănh trong ndeh 3.3, Ntŭk mât uănh trong ndeh 3 rgŏ jă nuĭh ndranh nkra tay trong an rgum nuĭh kan, ndoh ndơ măy mŏk gay nkra soih trong hăn. Ăp ngih pah kan dơi kan đă nuĭh ƀon lan hăn nsong rlău ta nĕ an njrăng, lah mô khlay ri lơi hăn rlău lvang trong aơ. Trôk nar dôl mô uĕh ta nkual yôk Khánh Lê, yor rĭ, pơng geh âk nău rhat, pĭch rlâm ndal kơt tŭp lŭ, chôt tơm si.

Nŭih blang: Y Sưng Phê Ja