VOV4.M’nông: Rơh rƀŭn dĭng lĕ bah Đại hội đồng Liên hợp quốc guel 76 mpeh dak lêng ndrel Luật dak lêng hŏ geh ƀư ta Mỹ. Ntoh nau bah năp ntoh măt bah bơi tât 50 dak ndrel rmôt dak ntô̆ n’hao nau khlay rgum, tâm di trong ndrel ăp ntil bah nau tâm ton Liên hợp quốc mpeh Luật dak lêng (UNCLOS). Aơ lah rơh ƀư tĭng pháp lý lam ntur neh ntrơn rgâl ăp nau kan tâm dak lêng. Ăp dak lah rjăp nau tâm ton ntrŭt dăng nau ƀư ân jêh tâm nchră nau ntrŭnh mpeh pháp lý ân kloh mpeh nau nchâp ăp nau geh âk ntil tâm dak lêng yor nau hun hao nâp nâl. Geh tât dak lêng, ăp dak Mỹ, Đức, Nhật Bản, Ôxtraylia ndrel Philippines ntoh nau rvê ngăn mpeh ăp nau đă tât nau ƀư tơm mô lah ăp nkuăl dak lêng geh têh hvi ndrel tih luật dak lêng Biển Đông. Ăp dak lah rjăp nau đă mât đăp mpăn dah rŏng trong dak lêng tâm Biển Đông ndrel kơt tĭng ăp nau tâm ton Liên hợp quốc mpeh Luật dak lêng (UNCLOS)./.

Nŭih rblang: H’Thi