VOV4.M'nông: Đài Loan (Trung Quốc) nar ntri (23/8) ntơm an ƀư chuh n'gang vaccine njrăng n'gang nuh srê Covid-19 tă bah nkual dja ƀư njêng êng an nuĭh ƀon lan. N'gâng kan Đài Loan khay bah năp nơh hŏ uănh an dŏng ndăn ngăch vaccine njrăng n'gang Covid-19 geh moh Medigen tă bah tập đoàn công nghệ sinh học Đài Loan nkret njêng. Aơ lah du gâl khlay tâm trong nchrăp tâm rlong geh nău tam bôk nău kan chuh n'gang ta ntŭk dja tâm rnôk nău ndơ̆ rgâl vaccine bah ăp công ty dak bah dih mbrơi nkai khuch mô đêt tât rnoh ngăch chuh n'gang vaccine bah Đài Loan n'hanh âk nkual êng ƀa ƀă lam ntŭr neh. Nchroh geh nklăp 70 rbăn nuĭh ta Đài Loan hŏ dơn chuh n'glai vaccine Medigen. Tâm nău ngơi ƀon tơm ta ntŭk, Medigen jêng lah tam khlay. Sŏk săk ntơ dja ăp nuĭh ƀư njêng dak si Đài Loan ŭch rŏng ntlơi bah ăp nău lư mĭn lah vaccine bah nkual dja njêng êng lah mô săk tam n'hanh mô hŏ uănh năl di na nê̆./.

Nuĭh rblang: Điểu Thân