VOV4.M’nông – Thủ tướng Australia Xcốt Mô-ri-sơn n’hanh kruanh nchră nău dak aơ Marise Payne mhe an gĭt, Ngih Đại sứ quán dak aơ ta thủ đô Kabul, Afghanistan mbra ntĭl mpông bah nar 28/5 tât. Kruanh Australia ŭch aơ knŭng lah trong manh lor tâm rnôk rnă njrăng ta Afghanistan nar lơ roh đăp mpăn, đah nău rhoăt bah ăp rmôt lam ntŭr neh tâm đêt khay tât. Tĭng mpeh Australia, Chính phủ Afghanistan lĕ mô dơi đăp mpăn rnă njrăng gay kơl nău ntoh tâm rnglăp nchră nău bah Australia. Australia mpŏng mbra dơi ntoh tay tâm rnglăp nchră nău ta Afghanistan rnôk dơi an. Bah năp nĕ, rnôk khay 4 mhe rlău, Thủ tướng Australia lĕ mbơh mbra tahen luh Afghanistan tâm khay 9 tât, tĭng nău mbơh bah Tổng thống Mỹ Joe Biden. Dơi gĭt, Đại sư quán Australia lĕ pơk ta Afghanistan bah năm 2006.

Nuĭh rblang: Y Sưng Phê Ja