VOV4.Mnông- N’gâng kan nchră nău đah dak bah dih Anh an gĭt, kruanh n’gâng kan nchră nău đah dak bah dih Anh Liz Truss geh rơh tât khâl du đê̆ ngih dak ta nkual Đông Nam Á, đah ntŭk rlu jâng bôk năp lah Malaysia bâh nar 7/11. Tĭng kruanh n’gâng kan nchră nău đah dak bah dih Anh, rơh tât khâl jŏ 1 pơh gay ma n’hao nău tâm boh kan wăng sa n’hanh rnă njrăng đah nkual aơ. Lôch Malaysia, wa Liz Truss mbra tât ta Thái Lan n’hanh Indonesia. Tâm du nău mbơh kruanh n’gâng kan nchră nău đah dak bah dih Anh lah na nê̆, păng ŭch ndơ̆ ngih dak Anh tât ăp nkual hun hao têh dăng tâm let năp tay n’hanh n’hao nău tâm kơl let năp tay n’hanh n’hao nău tâm kơl đah Anh n’hanh ăp dak kan ndrel tâm năm 2050 n’hanh ăp năm ba kơi tay. N’hanh Đông Nam Á dơi uănh lah nkual geh nău nsrôih đah nău hun hao bâh n’gâng kan wăng sa lam ntur neh. Yor nĕ, păng ŭch Anh mbra lah du gâl tâm nău hun hao nĕ.

Nuĭh rblang: Thị Đoắt