VOV4.M’nông: Kêng măng 6/7, Mpôl bu ur công an n'gor Dak Lak kan nsum đah du đêt nuĭh lŏng nuih n'hâm ta nkual ƀon têh Buôn Ma Thuột, ƀư rgop ndơ kơl 20 tấn biăp, play, phe...rdeng tât nkual ƀon têh Hồ Chí Minh kơl nuĭh ƀon lan dôl gŭ rêh tâm ăp nkual an gŭ rgum êng Covid-19. 20 tấn ndơ dja mbra dơi njuăl tât Nhih dak si Quân y 175 ta quận Gò Vấp n'hanh du đêt ntŭk n'gon sa rgum ta ăp nkual an gŭ rgum êng ta du đêt quận, nkuâl bah nkual ƀon têh Hồ Chí Minh.

Tâm rnôk ntŭk tơm tăch ndơ Bình Điền, dŭt têh ta nkual ƀon têh ân rlu tăch gay dăp rgum tay pah kan njrăng n'gang nuh srê, ri oh yuh Mpôl bu ur công an n'gor ndrel ăp nuĭh lŏng nuih n'hâm, nău rgop bol ma đê̆, rgop kơl nuĭh ƀon lan nkual ƀon têh Hồ Chí Minh rlău dơi jêr jŏt đŏng. Let năp tay, Mpôl bu ur công an n'gor Dak Lak rgŏ rgop tay ăp ndơ dŏng sa khlay gay njuăl tât ăp nkual, ntŭk an gŭ rgum êng ta nkual ƀon têh Hồ Chí Minh./.

Nuĭh rblang: Điểu Thân