VOV4.M’nông: UBND xã n’har bri bah Dak Lak, geh ăp xã Ia Rvê, Ia Lốp, Ea Bung, nkuăl Ea Súp ndrel xã Krông Na, nkuăl Buôn Đôn mhe tâm rgop nsum ma Đồn biên phòng gŭ kan tâm nkuăl ƀư nau rgŏ jă “Lam ƀon lan râng nau njrăng, rdâng srê Covid-19 ndrel luh lăp dak tih dôih”. Tĭng nê, ntoh măt rnâng kan mât njrăng êng bah 51 thôn, ƀon tâm 4 xã nkuăl n’har bri hŏ ký ton nau râng nau ƀư nau kan đah nkô̆ kơt: Vay nkoch mbơh bonh đă ƀon lan, hội viên ƀư ueh nau kan trong kan bah Đảng ndrel nau ntrŭnh pháp luật Ngih dak, ntrŭnh nau mpeh nau kan njrăng, rdâng srê Covid-19. Ăp rnăk ƀon lan kí ton nau ƀư tĭng luật n’har bri bah neh dak, ƀư ueh ăp nau rđau, nau ntĭm mbơh bah ba lơ mpeh ăp nau kan njrăng, rdâng srê Covid-19, ƀư ueh nau mbơh dak si, mô rgum âk nŭih rđil nau ntrŭnh./.

Nŭih rblang: H’Thi