VOV4.M’nông: N'gor Dak Lak dôl an ƀư trong kan "Kơl suan khay thi” ta 32 ntŭk thi tốt nghiệp trung học phổ thông năm 2021, đah bơi 1.000 druh ndăm râng kơl êng khay hăn thi. Tĭng Tỉnh Đoàn Dak Lak, bôk nău kan kơl suan khay thi năm aơ dơi an ƀư tâm rnôk n'gor geh nuĭh ntưp đah SARS-CoV-2.

Yor kơt nê̆, ăp druh ndăm râng kơl êng khay hăn thi mbra rgum ntop kơl mpôih kuaih, puh nkhĭt kaman ăp ntŭk thi, nkoch trêng mbơh gĭt nău way thi, quy định mpeh njrăng n'gang nuh srê Covid-19 n'hanh ăp nău ân njrăng uănh. Bah meng nê, tâm ban kơt ăp năm đŏng, ăp druh ndăm râng kơl êng khay hăn thi hăn uănh tay săk ăp nuĭh râng thi jêr jŏt gay kuăl jă, ntop kơl. Lơn lah, trang thông tin Tiếp sức mùa thi – Đắk Lắk ta mạng xã hội Facebook ntoh măt ngăn n'hanh pơk uănh mbro ăp nău lư mpeh bôk nău kan rơh thi kơl me bơ̆ n'hanh kon se thi rƀah gĭt nău lư du trong dŭt ngăch n'hanh dŭt di./.

    Nuĭh rblang: Điểu Thân