VOV4.M’nông – Ta năp nu nău Covid-19 jêr jŏt ta Dak Lak, nar nđaơ (9/5), Ban rnâng kan Ủy ban MTTQ Việt Nam n’gor Dak Lak mhe geh mbơh mpeh nău ƀư tĭng trong trực tuyến ăp rƀŭn nchră mâp nuĭh ƀon lan rgŏ jă săch bah nuĭh dơi săch Ntoh măt an Quốc hội khóa 15 n’gor Dak Lak.

Dak Lak ƀư rƀŭn nchră mâp nuĭh ƀon lan rgŏ jă săch đah trong ƀư trực tuyến

Tâm 2 nar, 10 n’hanh 11/5/2021, Ủy ban MTTQ Việt Nam n’gor Dak Lak mbra ƀư ăp rƀŭn nchrăp pơk sŏng dăng mâp nuĭh ƀon lan đah trong ƀư trực tuyến gay 15 nuĭh dơi săch Ntoh măt an Quốc hội khóa 15 n’gor Dak Lak mâp nuĭh ƀon lan ta 3 ntŭk săch. Nău ƀư trực tuyến ăp rƀŭn nchră mâp nuĭh ƀon lan rgŏ jă săch bah nuĭh dơi săch Ntoh măt Quốc hội khóa 15 n’gor Dak Lak gay đăp mpăn an trong kan mâp nuĭh ƀon lan rgŏ jă săch ƀư đăp mpăn, tâm di đah đă njrăng, n’gang srê Covid-19, nkre, đăp mpăn nău dơi geh bah ăp nuĭh dơi săch tĭng nău ntrŭnh.

Nuĭh răk rblang: Y Sưng Phê Ja