VOV4.M’nông – Nar 6/6, Ủy ban săch xă Cư San, nkuăl M’Đrắk, n’gor Dak lak lĕ ƀư săch tay nuĭh ntoh măt HĐND xă, năm kan 2021-2026 ta 3 ntŭk săch lah ăp thôn 9, 10, 11. Nkô̆ nău săch tay yor nar 23/5/2021, ta 2 ntŭk săch mrô 9, 10, 11 bah xă Cư San geh rnoh nuĭh ƀon lan hăn săch mô hŏ geh 50% dĭng lĕ nuĭh ƀon lan nchih tâm sam ƀŭt nchih săk.

Dak lak ƀư săch tay nuĭh ntoh măt HĐND xă, năm kan 2021-2026

Kơp dơn tay 3 ntŭk săch mô geh săch ƀư rjăp, di pháp luật. Ta ăp ntŭk săch tay, Ủy ban săch xă Cư San pă nuĭh kan dak si kâp, ntĭm nuĭh ƀon lan mât tâm ƀah đah nuĭh n’hanh nuĭh n’hanh nchrăp dak si rao kaman, măy uănh duh săk, bok put mbung dak si,... Gay đăp mpăn nău ntrŭnh mpeh njrăng n’gang srê. Jêh ƀư, kơp tât 6/6, 3 ntŭk săch tay nuĭh ntoh măt HĐND xă Cư San geh rnoh nuĭh ƀon lan hăn săch kơt bah kơi aơ: Ntŭk săch mrô 9 geh rlău 88%, ta ntŭk săch mrô 10 geh bơi 74%, ta ntŭk săch mrô 11 geh rlău 22%.

Nuĭh rblang: Y Sưng Phê Ja