VOV4.M’nông: Dak Lak hôm mâp nau kan ƀư thi lăp 10 ngih săm ƀŭt THPT đah 4 môn thi geh ăp môn Ngữ văn, Toán, Ngoại ngữ ndrel chuyên môn. Năm nti 2021-2022, Dak Lak mra ƀư nau tâm rlong lăp tâm jrâu 10 đah 2 ngih săm ƀŭt THPT êng lah: Ngih THPT Chuyên Nguyễn Du ndrel Ngih săm ƀŭt THPT Dân tộc Nội trú Nơ Trang Lơng; ăp ngih săm ƀŭt ndâk njêng êng kơt tĭng nau kan săch lăp. Rơh ƀư rlong thu tâm lơ 8-9/6/2021. Tĭng nê, lơ 8/6, mông ôi, kon se ƀư bài thi Ngữ văn, kêng măng, kon se thi môn Ngoại ngữ. Kơt nê, Dak Lak hôm mât nar thi lăp jrâu 10 kơt nau mbơh bah năp nê. Gay rơh thi geh nau dơi ueh lăp tâm jrâu 10 geh nau đăp mpăn, rjăp tâm di nau nchrăp, N’gâng kan ntĭm nti hŏ đă ăp cán bộ, nai nti kon se, nŭih pah kan tâm ngih săm ƀŭt n’hao nau kơl an ân rơh thi, ăp ntŭk thi ân geh đăp mpăn njrăng rdâng srê Covid-19./.

Nŭih rblang: H’Thi