VOV4.M’nông: Rơh thi tốt nghiệp THPT năm 2021, Dak Lak geh rlau 19.800 nuưih râng thi tâm 32 ntŭk, đah rlau 830 jrâu thi. N’gâng kan ntĭm nti n’gor Dak Lak rgum geh rlau 2.700 nŭih râng ân rơh thi. Tâm nê, rlau 2.250 nŭih cán bộ, nai nti, nŭih pah kan kơl an rơh thi. Bah năp nau geh bah srê Covid-19 dôl tât, UBND n’gor Dak Lak rđau N’gâng kan ntĭm nti ƀư ân rjăp nau mbơh tât kon se thi, ndrel nŭih râng ƀư rơh thi ân rjăp kơt tĭng nau ntrŭnh mpeh nau njrăng, rdâng srê Covid-19 bah N’gâng kan dak si, mô dơi hăn ntŭk ngai lah mô geh nau khlay. N’gâng kan ntĭm nti nchrăp tâm rgop nsum đah N’gâng kan dak si, UBND ăp nkuăl, nkuăl têh, nkuăl ƀon têh ndrel ăp mrôt kan geh tât ƀư mât ueh nau tât bah srê gay ntrŭnh ƀư rơh thi tâm n’gor ân tâm di ma nau ngăn, đăp mpăn ân kon se ndrel ăp nŭih ƀư mât rơh thi./.

Nŭih rblang: H’Thi