VOV4.M’nông: Ôi lơ 30/7, n’gor Dak Lak ndơn bơi tât 900 nŭih pah kan tă bah Đồng Nai sĭt. Aơ lah rơh ndơn công nhân ueh ngăn bôk năp bah Dak Lak. Bah nau uănh ngăch, geh 4 nŭih ntưp srê Covid-19, ăp nau kan dak si dôl geh uănh ngăn ăp nŭih geh ntôn ntưp. Bơi 900 nŭih aơ mô geh kan pah yor srê Covid-19 ntoh ndrel geh nau ŭch nchoh ndeh hon đa gay ma sĭt Dak Lak.

Ăp nŭih aơ hŏ đăng ký đah n’gâng kan n’gor Đồng Nai ndrel knŭng geh sĭt rnôk geh uănh năl mô ntưp đah srê Covid-19 gay mô kâp nsrŭng tâm ntŭk bu đă nsrŭng uănh. Jêh nê, Cảnh sát giao thông ndrel ăp rmôt mât njrăng, hùnh sự, rmôt nai dak si bah n’gor Đồng Nai hŏ ndâk rmôt kan leo hăn tâm trong bơi tât 400km. Kơt ndri, aơ lah rơh bôk năp Dak Lak ntơm nŭih tă bah nkuăl geh srê sĭt. Bah năp nê, n’gor kơp dơn rnoh âk ngăn nŭih tă bah nkuăl ƀon têh Hồ Chí Minh, Bình Dương ndrel ăp n’gor mpeh ba dâng sĭt êng đah ndeh hon đa./.

Nŭih rblang: H’Thi