VOV4.Mnông- Ta nkuăl ƀon têh Buôn Ma Thuột, ntŭk kan dak si n’gor Dak Lak lĕ geh dơn 5 bôk  ndeh chuh vacxin ăp ntŭk yor công ty cổ phần ô tô THACO Trường Hải kơl an gay ma kơl nău kan njrăng rdâng nuh srê Covid-19 dôl geh ntưp rêng dŭt âk ta ntŭk aơ. Ndeh geh ƀư êng n’hanh tâm di đah nău hăn nsong chuh vacxin đăp mpăn, săk rnglăy ta ăp nkual geh hăn nsong jêr, nkre lah dŏng an nău kan sŏk ntil xét nghiệm Covid-19.

Ta ndeh geh năp thùng mât vacxin n’hanh geh hệ thống uănh năl nău duh nđik mât vacxin. Ntŭk kan dak si n’gor Dak Lak an gĭt: Tâm 1.362.176 nuĭh rlău 18 năm deh, n’gor Dak Lak mhe geh chuh vacxin Covid-19 du nglai geh 64% n’hanh 2 nglai geh 9.41%. Gay ma njrăng nuh srê ntưp rêng jêr njrăng, Dak Lak an geh ntrôl dăng nău chuh vacxin. Yor nĕ nău kơl an 5 bôk ndeh chuh vacxin lah dŭt tâm di, kơl an n’gor mbra geh chuh ngăch ta ăp nkuăl njônh ngai, n’hanh ăp nkual ƀon lan gŭ ngai đah ngih dak si.

Nuĭh rblang: Thị Đoắt