VOV4.M’nông: Nău lư bah Ƀan rđău đă njrăng n'gang nuh srê Covid-19 n'gor Dak Lak, ôi 19-7, n'gor dja hŏ năl geh tay 2 hê nuĭh ntưp đah SARS-CoV-2 ta nkuâl Ea H’leo. Bar hê nuĭh dja lah Q.C.T n'hanh L.T.H, ndrel gŭ ta thôn 2B, xã Ea H’leo, nkuâl Ea H’leo. Lĕ bar hê lah nuĭh ndrel tâm du rnăk, n'hanh mhe plơ̆ sĭt bah nkual ƀon têh Hồ Chí Minh.

  Tĭng ôp uănh nuh srê, lôch test ngăch SARS-CoV-2 ta Nhih dak si Thủ Đức nkual ƀon têh Hồ Chí Minh mô mpơl ntưp ji, lĕ bar hê nuĭh dja ncho ndeh honda bah nkual ƀon têh Hồ Chí Minh sĭt Dak Lak. Rnôk sĭt tât jay, lĕ 2 hê uănh năl test ngăch n'hanh an mpơl ntưp đah SARS-CoV-2. Lôch jêh uănh năl ta Viện Vệ sinh dịch tễ Tây Nguyên lah rjăp đŏng lĕ ma T n'hanh H. geh ntưp đah SARS-CoV-2 da dê./.

Nuĭh rblang: Điểu Thân