VOV4.Mnông- Đắk Lắk hôm nha mbrơi rgâl nău rêh bâh Zero Covid jêng rêh nsum đah nuh srê, nĕ lah nău uănh năl bâh tiến sĩ Cao Hưng Thái, groi kruanh mât uănh nău săm ji, rmôt kan bâh n’gâng kan dak si ta rơh pah kan đah UBND n’gor Dak Lăk. Mpeh nău ngăch chuh vacxin, n’gor lĕ geh dơn 13 rơh chuh vac xin bâh n’gâng kan dak si đah lĕ rnoh bơi tât 1,7 rkeh dĭng, tât aƀaơ geh chuh bơi tât 1,5 rkeh dĭng, tâm nĕ chuh 1 nglai geh rnoh 90,9% rnoh nuĭh bâh 18 năm deh let lơ, chuh 2 nglai geh 21,1%.

Ntoh ngơi ta rơh pah kan, Tiến sĩ Cao Hưng Thái, groi kruanh mât uănh săm ji, ntĭm leo Dak Lăk an geh mbơh ƀư ăp ntrong kan tâm di rêh nsum đah nuh srê Covid-19, rgum ăp ntŭk kan dak si kan bah dih tât râng njrăng rdâng nuh srê, ơm mbơh nău mât uănh, săm F0 ta jay, njêng trạm y tế hăn săm ăp ntŭk, rdâk njêng ntŭk mât săm săk soan, n’hao nău dơi uănh xét nghiệm RT-PCR. Nkre lah ntrôl dăng nău kan mbơh tơih nuĭh ƀon lan an geh ƀư tĭng răng dăng nău njrăng nuh srê 5K...

Nuĭh rblang: Thị Đoắt