VOV4.M’nông –  Thành đoàn Buôn Ma Thuột (Dak Lak) mbra mbơh ƀư rơh ndeh an ndơ dŏng tât ta wâl gay ntop kơl an nuĭh ach o ta ăp xă phường ta nkual ƀon têh Buôn Ma Thuột, n’gor Dak Lak, ntơm bah nar 31/7. Tĭng mpôl rdâk ƀư, bôk nău kan mbra ƀư tât lĕ nar 7/8 tât, pă jêng 5 rơh ta 10 xă, phường ta nkual ƀon têh Buôn Ma Thuột, n’gor Dak Lak.

Dak Lak: Jao ndrơng ndơ mô sŏk prăk tât ta wâl ntop kơl nuĭh ach o ta nkual ƀon têh Buôn Ma Thuột

Nchrăp mbra an 1.000 nklâm ndơ ntêm an nuĭh ƀon lan geh nău rêh jêr jŏt kơt rnăk ach o, nuĭh ndrô ranh, koet nte, geh kop ji mbăn jêr săm, mô geh nău kan mô lah geh prăk mô đăp mpăn. Du nklâm ndơ geh 5 kg phe, dak tương, dak mắm, sĭk, ƀŏt ngŏt n’hanh ăp ntil biăp, bum, play.

Nuĭh rblang: Y Sưng Phê Ja