VOV4.Mnông- Nău mbơh bâh rnâng kan ntĭm leo njrăng rdâng nuh srê Covid-19 bâh n’gor an gĭt, kơp tât aƀaơ, n’gor Dak Lak lĕ dơn geh 12 rơh pă vac xin njrăng Covid-19 bâh n’gâng kan dak si đah rlău 1.230 rbăn ding vacxin ta lĕ rnoh 2,7 rkeh ding nău ŭch dŏng, an rlău 1,4 rkeh nuĭh rlău 18 năm deh ta ntŭk. Kơp tât nar 8/11, lam n’gor Dak Lak lĕ chuh bơi tât 1 rkeh 128 rbăn dĭng vacxin, tâm nĕ, chuh 1 nglai lah rlău 993 rbăn dĭng, geh rnoh rlău 70% n’hanh chuh 2 nglai lah rlău 128 rbăn dĭng, geh 9%.

Geh 5/15 ntŭk gâl nkuăl chuh 1 nglai geh rlău 80%, geh Buôn Ma Thuột 84,8%, nkuăl Krông Buk 84,7%, nkuăl Ea H’leo 86,7%, nkuăl Cư Kuin 84,4% n’hanh nkuăl têh Buôn Hồ 80,1%. Wa Nay Phi La, Giám đốc ntŭk kan dak si n’gor Dak Lak an gĭt, gay ma mât đăp mpăn tât dŭt năm 2021 Dak Lak mbra geh chuh vacxin đah rlău 80% rnoh nuĭh bâh 12 năm deh let lơ, n’gor an geh tay 1 rkeh 890 rbăn dĭng, tâm nĕ nău ŭch chuh n’gang tâm khay 11 lah rlău 1 rkeh dĭng n’hanh khay 12 lah 667.600 dĭng.

Nuĭh rblang: Thị Đoắt