VOV4.M’nông: Lơ 21/7, Ntŭk kan Cảnh sát mêt uănh Công an nkuăl ƀon têh Buôn Ma Thuột n’gor Dak Lak leo mhal nau tih “ƀư leo ntưp srê ân bu êng”. Bah năp nê, lơ 17/7, Rnâng kan rđau nau njrăng rdâng srê Covid-19 n’gor Dak Lak mbơh mpeh nau nô N.T.H 36 nŭih, gŭ tâm thôn 3, xã Cư Êbua, nkuăl ƀon têh Buôn Ma Thuột, lah nŭih kan ân ngih ndeh rdeng năch Tiến Oanh, ta 134 Hai Bà Trăng, Phường Thắng Lợi, geh ntưp ma srê Covid-19.

Tĭng nau geh uănh bah n’gâng kan, bah năp nê, nô H geh hăn tâm ntŭk geh srê nkuăl ƀon têh Hồ Chí Minh, tât lơ 10/7 rnôk sĭt ri mô ƀư nau mbơh dak si, mô geh nkhah tĭng nau ntrŭnh, hôm tât âk ntŭk, mâp âk nŭih. Rnôk aơ Dak Lak geh 13 nŭih ntưp srê Covid-19 geh nau ntưp bah nô H. Nsing tâm nau geh tât, n’ghâng kan geh nau dơi leo mhal nau tih “ƀư ntưp rêng srê ân bu êng”./.

Nŭih rblang: H’Thi