VOV4.M'nông:  Ôi (11/6), ta xã Ea Uy, nkuâl Krông Pách, Tỉnh Đoàn Dak Lak ƀư Lễ druh ndăm hăn luh kan kơl êng khay rlu nti năm 2021 đah âk nău kan geh nkô̆ khlay an ƀon lan. Nar luh hăn kan druh ndăm ŭch râng kơl êng khay rlu nti n'gor Dak Lak năm 2021 dơi ƀư đah ăp nău kan  kơt: ntơm rdâk ƀư du mblâm jay tâm rŏng n'hanh 1 tach pah play, ƀư 1km n'gâng ŭnh mpoh ang trong ƀon; pă an 30 nklâm ndơ an ăp rnăk dơi kơl geh nău rêh jêr jŏt; nkoch trêng njrăng n'gang nuh srê Covid-19.

Nô Y Lê Pas Tơr, Groi Bí thư rnâng kan Tỉnh Đoàn Dak Lak an gĭt, ndrel đah ăp nău kan râng hun hao wăng sa- rêh jêng kon nuĭh; rdâk njêng ƀon lan mhe, nkual ƀon têh kloh uĕh; ăp nău kan bah druh ndăm Dak Lak tâm khay rlu nti năm aơ mbra rgum ntop kơl an đoàn viên druh ndăm rlău jêr jŏt tă khuch bah nuh srê, hun hao tay trong leo ƀư ntơm njêng nău kan tâm đoàn viên druh ndăm ta n'gor./.

Nuĭh rblang: Điểu Thân