VOV4.M'nông: Gay năn ngăch rgŏ jă sinh viên rnoi mpôl đê̆ geh nău dơi âk tâm kơt nti, kêng măng 12/11, Hội Liên hiệp Druh ndăm Việt Nam n'gor Dak Lak kan nsum đah  Hội Sinh viên Việt Nam n'gor ƀư bôk nău kan mâp măt, nkhôm rnê sinh viên rnoi mpôl đê̆ ntoh lư tâl 23, năm 2021. Tă khuch bah nuh srê Covid-19 jêng bôk nău kan dơi ƀư pơk sŏng dăng đah 15 ntŭk ƀoh ta ăp nkuâl, thị xã n'hanh nkual ƀon têh tâm n'gor.

N'gor Dak Lak aƀaơ geh nklăp 9.800 sinh viên dôl tĭng nti ta ăp nhih nti cao đẳng, đại học lam dak; tâm nê geh rlău 2.000 sinh viên rnoi mpôl đê̆. Tâm rnoh dja geh âk nuĭh ntoh lư hŏ geh ăp nău dơi uĕh tâm kơt nti, râng ăp trong leo kan n'hanh nău kan rƀŏng sĭt mpeh nsum mpôl lam ƀon lan. Ta bôk ntuh nău ngơi, ăp sinh viên hŏ ôp, tâm nkoch gĭt mpeh rnôk kơt nti, nsrôih rlău jêr jŏt n'hanh tâm pă mông nar gay râng ăp trong leo ƀư, nău kan kơl êng nuĭh. Nkhêp geh rnôk dja,  ban tổ chức nkhôm rnê 65 sinh viên rnoi mpôl đê̆ n'gor Dak Lak geh học lực giỏi n'hanh xuất sắc năm nti 2020 – 2021.

Nuĭh rblang: Điểu Thân