VOV4.M’nông: Lơ 16/8, Công an nkuăl Krông Pắk, n’gor Dak Lak hŏ ndŏ luh nau mhal dôih hình sự “ƀư rêng ntưp srê krit jêr ân ƀon lan” geh tâm khay 8/2021 tâm Thôn 6 ndrel thôn 7 xã Vụ Bổn, hŏ ntoh ngăn 2 ntŭk geh rsê Covid-19 đah rlau 20 nŭih. Jêh rnôk geh nau saơ ăp nau ji, n’gâng kan nkuăl Krông Pắk hŏ leo nchueng rdâng dĭng lĕ xã Vụ Bổn đah rlau 4000 rnăk, nklăp 18 rbăn nŭih gay ma ƀư ăp nau kan dak si, njrăng rdâng ntưp rêng tâm ƀon lan.

Nkre lah, UBND nkuăl Krông Pắk kŏ mô hôm ân kan đah Kruanh UBND xã Vụ Bổn tâm nau ƀư thơ tha tâm nau njrăng rdâng rsê. Nau leo mhal tih dôih hình sự tâm xã Vụ Bổn lah gay ƀư kloh nau tih dôih “ƀư rêng srê nuh krit jêr ân ƀon lan” ntrŭnh ta Điều 240 Bộ luật hình sự. Kơp tât kêng măng 16/8, n’gor Dak Lak geh 527 nŭih ntưp srê Covid-19, tâm nê geh 426 nŭih dôl ma săm, 2 nŭih khĭt, tâm nê geh 99 nŭih hŏ bah bah ndrel luh bah ngih dak si./.

Nŭih rblang: H’Thi