VOV4.M’nông –  Tâm 2 nar 17 n’hanh 18/7 Dak Lak kơp dơn tay âk nuĭh ntưp đah SARS-CoV-2. Klach rvê mô tŏng ndơ sông sa tâm nar gŭ srang kon nuĭh tĭng Ntĭm đă 15 bah Chính phủ, jêng nuĭh ƀon lan ta nkual ƀon têh Buôn Ma Thuột lĕ hăn rwăt năp, ƀư du đêt ntil ndơ ta ăp chợ way ơm hao khlay ndal n’hanh khar mpêt. Wa Đoàn Ngọc Thượng, Groi Kruanh UBND nkual ƀon têh Buôn Ma Thuột an gĭt: Nkual ƀon têh lĕ ndâk njêng trong nchrăp pă ndơ sông sa n’hanh ndơ dŏng an nuĭh ƀon lan. Bah meng nĕ, nkual ƀon têh lĕ nchrăp ăp trong tâm pă, pơk soih ndoh ndơ tâm nău mô uĕh ngăn tŏng ăp an nuĭh năp rwăt, mô rvê nău mô tŏng ndoh ndơ. Gay tâm di nău ŭch rwăt ndơ bah nuĭh ƀon lan, siêu thị Co.opmart Buôn Ma Thuột lĕ geh trong nchrăp ntêm nkrem ndơ ăp ntil ndơ dŏng khlay: Phe, ăp ndơ sa ngăch kơt mì tôm, bún kro ăp ntil; bôh ƀŏt ngŏt, ndơ ƀŏt n’hanh ndơ nđik ăp ntil. Nkre tŏng ăp pă ndơ sông sa rih kơt: poăch, ka, tăp kik, biăp bum, play ăp ntil.

Ntŭk mât uănh ntŭk tăch ndơ Dak lak dôl ntrôl dăng uănh nđôi gay nking n’gang nău n’hao khlay tăch ndơ

 Kruanh n’gâng kan mât ntŭk ntu tăch rgâl bah Dak Lak hŏ mhal ntŭk tăch ndoh ndơ Bách hoá Xanh tâm trong Ngô Quyền, Phường Tự An, nkuăl ƀon têh Buôn Ma yor tih nau tăch mô lir rnoh ndrel tăch khlay lơn rnoh nchih lir tih nau ntrŭnh Thuột tâm yan srê. Rmôt n’gâng kan hŏ mhal tĭng nau ntrŭnh. Rnôk aơ, ta ntŭk tăch ndơ geh âk nŭih hăn rvăt ndơ gay ma têm njrăng, rdâng srê yor njrăng rdâng srê Covid-19, yor rvê mô tŏng ndơ tâm rnôk ƀư tâm nkhah tĭng nau ntrŭnh mrô 15 bah Chính phủ. N’gâng kan mât ntŭk kan tăch rgâl bah n’gor Dak Lak hŏ ntrŭnh nau đă ăp rmôt tâm ntŭk n’hao nau kan mêt uănh mô ân geh nau têm ndơ, tăch khlay lơn rđil ndơ geh dŏng sa ăp nar./.

Nuĭh rblang: Y Sưng Phê Ja