VOV4.M'nông: Nkhêp nkah ndray 39 năm Nar nai ntĭm Việt Nam 20/11, ôi (19-11), Sở Giáo dục - Đào tạo n'gor Dak Lak ƀư ntăm an săk ntơ nhà giáo ưu tú n'hanh mpư rnê ăp nuĭh ntoh lư, nai ntĭm ntoh lư năm nti 2020- 2021. Năm nti 2020- 2021, bol geh tât khuch hô bah nuh srê Covid-19 yơn n'gâng kan Ntĭm- nti n'gor hŏ geh ăp nău dơi uĕh.

Săk blău ntĭm nti âk, ntĭm nti tơm khlay dơi mât kơt ơm n'hanh n'hao têh; geh 41 kon se nti nkhôm rnê học sinh giỏi quốc gia, Dak Lak dâk bôk năp ăp n'gor duyên hải Nam Trung Bộ n'hanh Tây Nguyên. Nkhêp geh rnôk dja, dơn nău đă bah Kruanh dak, kruanh rđău kan n'gor Dak Lak hŏ ntăm an săk ntơ Nhà giáo ưu tú an nai ntĭm Nguyễn Ngọc Thái- nai ntĭm Nhih nti THPT Chuyên Nguyễn Du, nkual ƀon têh Buôn Ma Thuột, n'gor Dak Lak; ntăm an Huân chương Lao động hạng Ba, Cờ thi đua bah Chính phủ, Bằng khen bah Thủ tướng Chính phủ, Cờ thi đua bah Bộ giáo dục n'hanh đào tạo an ăp nuĭh ăp mpôl geh nău dơi ngăch prăl gĭt blău tâm n'gâng kan ntĭm nti./.

Nuĭh rblang: Điểu Thân