VOV4.M’nông: Dak Lak mra ƀư tay nau săch kan tâm 3 thôn gay ma săch ntoh măt HĐND gưl xã, aơ lah nau mbơh geh Uỷ ban săch kan n’gor Dak Lak ndŏ luh tâm rơh rƀŭn tal 5 bah Uỷ ban săch kan n’gor mhe aơ. Tĭng nê, ciử tri bah 3 thôn, tâm ban đah 3 rmôt săch lah: Thôn 9, thôn 10, thôn 11 bah xã Sư San, nkuăl Mdrak mra ƀư săch tay tâm nar pơh, lơ 6/6/2021 gay săch ntoh măt HĐND gưl xã.

Dak Lak nchră nau săch kan tâm dâng

Bah năp nê lơ 23/5 cử tri săn săch tâm 3 ntŭk aơ ê geh tât 50% rnoh cử tri tâm rnoh moh săk bah ăp rmôt săch. Ta nar rƀŭn aơ, Uỷ ban săch kan n’gor Dak Lak kŏ mbơh nchră nau mbơh nau tă geh dơi bah nau săch ndrel moh săk bah 75 nŭih geh nau dơi lăp kan tâm ntoh măt HĐND n’gor Dak Lak gưl X, năm kan 2021-2026 tâm 20 rmôt săch kan ntơh măt HĐND./.

Nŭih rblang: H’Thi