VOV4.M’nông – Jêh rnôk kơp dơn du hê ntưp đah Covid-19 dôl pah kan ta Ngih dak si nkuăl Lắk, nău kan dak si n’gor Dak Lak lĕ an sam ƀŭt wah nchăng n’gang Ngih dak si nkuăl Lắk gay ndăn ƀư ăp trong njrăng n’gang srê.

Cán bộ dak si sŏk mham an nuĭh ji n’hanh nuĭh rnăk wâl tâm ngih dak si nkuăl Lắk

Ndrel đah nchăng n’gang ngih dak si nkuăl Lắk, N’gâng kan dak si Dak Lak ntơm ndăn nău săch joi, nkhah êng, uănh năl mham lĕ rngôch ăp nuĭh ji dôl săm, nuĭh mât uănh nuĭh ji, n’ăp nuĭh kan dak si, nuĭh kan hành chính đôl rhŏ kan, mât uănh nuĭh ji ta Ngih dak si bah 9 mông nar 2/7/2021 an tât geh mbơh mhe. Ntơm puh rao lĕ rngôch ngih dak si nkuăl Lắk tâm măng 2/7. Nuĭh ntưp Covid-19 lah nuĭh mât săm nuĭh ji dôl pah kan ta nkual nkhah rgum ta Ngih dak si nkuăl Lắk. Nuĭh aơ lah F1 bah nuĭh ji 15921.

Nŭih rblang: Y Sưng Phê Ja