VOV4.M’nông: Ăp n’gâng kan, ntŭk kan, n’gor ƀư mât đăp mpăn ăp nau dơi gay rơh thi tốt nghiệp THPT ta Dak Lak geh ueh, rjăp, tâm di nau dơi ndrel pơk trong nơih ueh ngăn ân kon se ngăn lah tâm rnôk geh srê Covid-19 dôl tât, aơ lah nkô̆ geh lah rjăp tâm nar rƀŭn Rnâng kan rđau nau thi tốt nghiệp THPT năm 2021 tâm Dak Lak geh tâm kêng măng 2/6. Rơh thi tốt nghiệp THPT năm 2021, Dak Lak geh rlau 19.800 kon se đăng kí râng thi tâm 32 ntŭk, đah 830 jrâu.

Tât rnôk aơ, lam n’gor kơp geh 2 kon se tâm rnoh F1 ndrel 39 kon se tâm F2, ăp kon se aơ tâm nkuăl Ea H’Leo. Bah năp rnoh kon se râng thi âk ndrel rnôk geh srê Covid-19 dôl tât, Rnâng kan rđau rơh thi đă N’gâng kan ntĭm nti râng rgop đah rmôt kan geh tât, n’gâng kan ƀư rơh thi ân đăp mpăn, rjăp, nâp tâm ăp nau tă bah đăng ký râng thi ân tât uănh kơp dơn tốt nghiệp THPT./.

Nŭih rblang: H’Thi