VOV4.M’nông – Lăp tâm yan mih dak lip, ndrel đah nău ƀa ƀơ uănh nđôi nkra trong rse điện, Công ty điện lực Dak Lak lĕ nchrăp ndoh ndơ, măy mŏk nchrăp njrăng gay rdâng. Ntŭk kan lĕ uănh đă rmôt njrăng n’gang trôk nar, joi kơl nuĭh rmanh geh 40 nuĭh, ngăch mkra rnôk geh ăp nău khuch điện. Wa Lê Văn, cán bộ chuyên trách jrô kan đăp mpăn, Công ty điện lực Dak Lak, an gĭt:

Dak Lak nchrăp pă điện yan mih phŭt sial

“Ta nkual Dak Lak ri geh sial rwănh blông bôk yan, jêh nĕ geh ăp kual ta ăp nkuăl Krông Ana, Krông Bông, Cư Kuin, Krông Pách ăp năm bah năp ƀa ƀơ geh dak lip, jêh nĕ ăp nkual sial rwănh blông kơt Ea Súp, Buôn Đôn...., mpôl hên lĕ ƀư trong mkra, hăn uănh tay lĕ rngôch ăp ntŭk jŭr djơh gay ndâk ƀư trong rse đăp mpăn tâm yan mih dak lip. N’hanh mô knŭng ăp ntŭk mô nâp, ma ta ăp nkual ri Công ty điện lực Dak Lak lĕ geh trong ƀư na nê̆, nchrăp ndoh ndơ njrăng n’gang, năp rwăt ndơ kơt kon nuĭh, dak si, n’hanh ăp trong rdâng kơl ndrel ăp ntŭk kan tâm rgop, n’gâng kan ƀon lan, gay nchrăp rhŏ an n’hanh rdâng kơl ngăch rnôk geh nău mâp khuch trôk nar lơh”.

Nŭih rblang: Y Sưng Phê Ja