VOV4.M’nông: Kêng măng 19/11, Uỷ ban MTTQ Việt Nam n’gor Dak Lak hŏ ndơn 1,5 rmen prăk tă bah ăp rmôt kan kơl an nau njrăng, rdâng srê Covid-19, geh 1,2 rmen prăk măt ndrel 1000 nklâm dak si gay ma săm ji ân nŭih ntưp srê Covid-19 rnoh 300 rkeh. Uỷ ban MTTQ Việt Nam n’gor Dak Lak ân gĭt, rnôk aơ, nau tât bah srê Côvid-19 tâm n’gor dôl ma tât jêr, rnoh nŭih ntưp lơn ma âk tâm ăp nar.

      Nau geh kơp hao rlau 6.600 nŭih, tâm nê geh bơi tât 2.500 nŭih dôl ma săm. Đah ăp nau snôih ndơn tă bah ăp rmôt kan, Rnâng kan MTTQ n’gor mra kơp ndrel tâm rgop nsum đah N’gâng kan dak si pă ân ăp rmôt kan, ngih dak si ndrel ăp ntŭk dôl ma săm srê Covid-19 gay ma tŏng dơi nau ŭch săm ji ân ăp ntŭk săm srê Covid-19 tâm n’gor./.

Nŭih rblang: H’Thi