VOV4.M’nông: Kơt tĭng nau kuăl jă rgop nau kơl rvăt vắc xin ndrel ndơ dŏng dak si njrăng rdâng srê Covid-19 bah Uỷ ban MTTQ Việt Nam, jêh rlau du pơh kuăl jă, du đê̆ ntŭk kan tăch rgâl, nŭih tâm n’gor Dak Lak kơl an bơi tât 6 rmen prăk tă bah 30 ntŭk kan ndrel du hê nŭih râng. Jêh rnôk geh ndơn, Uỷ ban MTTQ Việt Nam n’gor Dak Lak mra jao dĭng lĕ rnoh prăk tât yơm prăk bah Uỷ ban MTTQ Việt Nam, kơl an nau trok rvăt vắc xin ndrel ndơ dŏng dak si njrăng rdâng srê Covid-19 tât ăp nkuăl.

Tâm ăp nar tât, Uỷ ban MTTQ Việt Nam n’gor Dak Lak lŏ ndơn tay prăk kơl an tă bah ăp ntŭk kan, ăp nŭih tâm n’gor tâm ntŭk mrô 7 Nguyễn Tất Thành, nkuăl ƀon têh Buôn Ma Thuột, n’gor Dak Lak, mô lah bah mrô tài khoản bah Rnâng kan kơl an n’gor Dak Lak (tâm uỷ ban MTTQ Việt Nam n’gor Dak Lak): 3751.0.9035934.0000-Kho bạc Ngih dak n’gor Dak Lak./.

Nŭih rblang: H’Thi