VOV4.M’nông: Gay nking n’gang n’hanh saơ nu\ih kon ho\k tâm rlong do\ng ăp ndơ công nghệ mhe rlăm nău tâm rlong, rmôt nai Nhih nti Đại học Tây Nguyên le\ njêng geh “Măy sroh joi saơ ndơ công nghệ gay [ư bài tâm rlong”. Ndơ đêt n’gơch, dơh do\ng, n’hanh do\ng geh jo\ nar jêng nău rchăng n’gang mplư rlăm tâm ăp rơh tâm rlong geh săk rnglăy.

            Máy rhôp joi saơ ndơ do\ng công nghệ rlăm tâm rnôk thi bah rmôt nai nt^m Đại học Tây Nguyên, lah ndơ ntru\p điện tử têh bơi tâm ban đah laptop 15 inch, jâk nklăp 400gram, prăk do\ng [ư njêng nklăp 5 rkeh prăk. Máy geh ndơ rhôp joi sóng âm tần 100Hz- 20kHz, trong rval rhôp joi lah 8m, ndrel cảm biến từ trường biến thiên bah ăp ndơ ntru\p do\ng mpôn rlăm công nghệ cao pơk luh rnôk păng do\ng tâm ăp rơh thi.

            Kỹ sư Tôn Thất Trường Nam – mpeh Nhih nti Đại học Tây Nguyên, Kruanh rmôt [ư njêng máy an g^t, gay rlăm tâm rnôk hăn thi, kon se nti, sinh viên mbra do\ng ăp ndơ ntru\p đăng ngăn kơt: rvoal từ trường, ndơ ntru\p djăt ta tôr têh d^ng play mbo, điện thoại [ư tâm ban kơt thẻ ATM, máy [oh bluetooth nthoi đah ndơ djăt tôr “du\t jê|” gay n’gluh đề thi ho\ dơi mã hoá luh bah dih đă nu^h rblang n’hanh [oh rhôp rlơ\ tay gay [ư bài thi. Kỹ sư Nam an g^t, rnôk do\ng máy dja tâm ăp rơh thi, nău sinh viên do\ng ăp ndơ ntru\p công nghệ mhe mbra dơh ban saơ, nkra rmal:

            “Ăp ndơ ntru\p rlăm rêng [oh nău lư way geh du ntu\k nsum lah rêng luh so\ng geh tấn số ta nâm 9 Khz, n’hanh lah [oh lơp từ trường. hôm máy bah rmôt [ư njêng ri mbra rhôp n’hâm rêng dja gay ma kơl giám thị n’hanh thanh tra ban saơa ăp mpôl thi dôl ma [ư rlăm. Rnôk n’glăp ndơ rhôp dăch nklăp 8m ri nău nteh lơn ma têh n’hanh mbra mbơh g^t nu^h dôl ma rlăm gay ma nkra d^l”.

            Băl Nguyễn Thị Ngọc Mai, sinh viên khoa Khoa học Tự nhiên n’hanh Công nghệ nhih nti Đại học Tây Nguyên an g^t, ăp ndơ ntru\p mhe, đăng rho\ do\ng an rlăm rnôk thi, a[aơ dơi n’hơ tăch lam ăp ntu\k, ta ăp trang mạng internet, facebook…Ăp ndơ rhôp [oh tăch du\t thu\k, ntơm bah 200 tât 2 rkeh prăk/mblâm. Âk sinh viên h^l ma pâl, rleh nti yơn u\ch geh nti âk way sơch ăp ndơ rhôp [oh dja s^t do\ng gay rdâng lơh. Gâp m^n lah, do\ng máy rhôp joi ndơ do\ng rlăm thi dja lah du\t khlay, gay đăp mpăn geh nău tâm ban tâm ăp rơh thi:

            “T^ng gâp ri may dja du\t ngăn ngăn an ntu\k thi ta nhih nti. Âk băl do\ng ndơ ntru\p uănh kơt hôch mbra lah mô geh nău tâm ban an ăp băl jăp gơih nti. Rmôt gu\ m^n njêng dơi máy dja lah nău du\t ue\h, păng kơl ăp băl mô rlăm dơi ma nti ân du\t jăp ngăn, thi ngăn ngăn gay njêng luh ntu\k gu\ nti kloh ue\h”.

            T^ng Tiến sĩ Nguyễn Thanh Tân- Kruanh phòng Thanh tra Pháp chế- Đại học Tây Nguyên, ăp năm, ndrel đah nău kan nsum đah sở Giáo dục n’hanh Đào tạo n’gor [ư rơh thi THPT gưl neh dak, ri nhih nti [ư âk rơh thi tốt nghiệp, le\ ký, le\ môn, tín chỉ …an sinh viên kon se nti đo\ng. Tâm ăp rơh thi dja, mô đêt kon se do\ng ndơ rhôp [oh gay ma rlăm. Nău do\ng máy rhôp joi ban saơ ăp ndơ do\ng dja, le\ an saơ ăp nău dơi di ma rhơn.

            “Lôch rnôk mpôl hên n’glăp máy do\ng ri le\ ban saơ rlău 60 sinh viên rlăm n’hanh he le\ rmal; n’hanh rơh thi mhe aơ ri mô hôm ntoh geh nu^h do\ng ăp ndơ rhôp [oh công nghệ mhe gay rlăm tâm rơh thi. Nhih nti rnê âk jêh geh gu\ m^n bah rmôt dja, păng le\ [ư hu\ch rlăm tâm rơh thi, kơl t^ng du trong bah nhih nti tâm ban kơt dâk nti êng bah sinh viên dơi n’hao prêh kloh rvah.”

            Tât a[aơ, rmôt gu\ m^n le\ njêng geh 4 máy. Ăp ndơ ntru\p do\ng dja dôl rho\ do\ng pah kan groi nđôi thi ta ăp Nhih nti Đại học Tây Nguyên, Đại học Thuỷ Lợi (Hà Nội), Học viện Y Dược cổ truyền Việt Nam, Ntu\k rgum nti [^t ndeh bah Sở Giao thông Vận tải n’gor Gia Lai. Tâm let năp tay, rmôt mbra gu\ m^n tay, rgâl n’gơch jê| tay, geh rnoh ngăch rhôp n’hanh đăng lơn. Nău u\ch lah mbra ntop kơl ăp Nhih nti Đại học, cao đẳng, trung học chuyên nghiệp lam dak n’hanh ăp Sở Giáo dục n’hanh Đào tạo do\ng máy tâm ăp rơh thi, lơn lah rơh thi THPT gưl neh dak./.

Nu^h nchih rblang: Điểu Thân