VOV4.M’nông: Lơ 22/11, ta ntŭk nkah ơm neh dak khlay Ngih nkông krŭng Buôn Ma Thuột, n’gor uỷ, HĐND, UBND, Uỷ ban MTTQ Việt Nam n’gor Dak Lak ƀư nau nkah gĭt 81 năm Nar ndâk Đảng bộ n’gor Dak Lak (23/11/1940-23/11/2021). Ta nar nkah, ăp ntoh măt ndrel nkah trong ơm ueh ang bah Đảng bộ n’gor Dak Lak tâm 81 năm ndâk, njêng, hun hao ndrel têh jêng. Ntơm dŭt năm 1940, chi bộ Đảng cộng sản bôk năp ta Dak Lak geh ndâk tâm ngih nkông krŭng Buôn Ma Thuột.

Tât rnôk aơ Đảng bộ Dak Lak geh 20 đảng bộ kan, tâm rlau 700 ntŭk kan tâm đảng, đah rlau 83 rbăn đảng viên. Ta nar mpoh kthup di nkah 81 năm Nar ndâk Chi bộ Đảng bôk năp tâm Dak Lak, ntoh măt rđau kan Đảng bộ ndrel ƀon lan ăp rnoi tâm n’gor ntoh nau nsôih ƀư ueh nau kan ueh ang, lŏ rgâl mhe nâp mpeh nau kan, ndâk nuih n’hâm, nau dơi ndrel nau kan, ntrŭt dăng nau hun hao văng sa, rêh jêng, ndâk Dak Lak nar lơn sâm geh, ăp ntil./.

Nŭih rblang: H’Thi