VOV4.M'nông: Tât rnôk dja, n'gor Dak Lak hŏ chuh geh 82% vaccine n'glai 1 n'hanh rlău 10% n'glai bar an nuĭh ntơm bah 18 năm deh let lơ. N'gor nsrôih tât kêng dŭt khay 11 dja mbra chuh tŏng lĕ n'glai 1 n'hanh tât lĕ năm 2021 mbra chuh tŏng vaccine n'glai 2 an 1,5 rkeh nuĭh.

Bác sỹ Trịnh Quang Trí – Giám đốc Ntŭk rgum mât kân kop ji n'gor Dak Lak an gĭt, n'gor dôl dơn rlău rhiăng nuĭh ji ăp nar, n'hanh Bộ Y tế hŏ an tâm pă chuh lor vaccine an Dak Lak gay ntrôl ngăch rnoh nkrum vaccine njrăng n'gang Covid – 19. Trong nchrăp kêng dŭt khay 12 năm aơ, rnôk dơn tŏng vaccine, ƀư chuh nkrum lam bar n'glai an nuĭh 18 năm deh let lơ n'hanh nklăp 205 rbăn nuĭh ntơm bah 12 – 17 năm deh"./.

Nuĭh rblang: Điểu Thân