VOV4.M’nông: Âk rnăk [on lan rêh tâm hẻm 139 trong Nguyễn Văn Cừ, Phường Tân Lập, nkuăl [on têh Buôn Ma Thuột n’gor Dak Lak dôl ji nuih ngăn yor du ntu\k kan ntung trong ro\ng ma uih lơi ntu\k bât trong dak, [ư mih lip jur tât njêng dak klôn rdu ăp ntu\k ngih vâl, lơh khuch khat mpeh văng sa. Bol ma geh njoăl săm [u\t mbơh phong tât n’gâng kan ta Dak Lak yơn nau aơ ê geh rklaih.

            Wa Lưu Thị Quyên, gu\ ta ngih mrô 193/60 Tổ dân phố 6, Phường Tân Lập, nkuăl [on têh Buôn Ma Thuột ân gi\t: rnăk wa rvăt ngih gu\ nê ntơm năm 2005. Jêh bơi tât 15 năm gu\ rêh, ê mâp geh rdâng đah mih dak lip kơt aơ.

            Tâm lơ 17/9 mhe rlau, jêh ăp tơ\ mih têh, âk dak ho\ rngân ngăn tâm bah năp yôk tâm Tổ dân phố 4 ho\ hoch so\ng ngăn tâm ngih, [ư rlâm ngih ach chrach, ngih u\m ndrel ngih u\nh, lơh khuch tât văng sa. Rnăk vâl wa dôl rvê ngăn tâm ăp nar tât, lah geh mih têh, dak tă bah ntu\k nê mra lo\ hoch jur tât ngih păng ndrel geh nau klach rvê ân rnăk wâl. Wa Quyên nkoch:

            ‘ Bu kuih ntu jru ngăn, mih tât ri n’hoch dak mô năn ri di\ng păng hoch jur tât tâm nkuăl aơ. Âk ngih geh rlâm ngih ach chrach hôm. Gâp rvê ngăn, saơ ta aơ mô geh dăp mpăn. Gâp ho\ nchih mbơh tăch ngih gay ma hăn ta ntu\k êng. Ăp rnăk ta aơ ho\ đă tât n’gâng kan ma ê saơ bu jur rklaih ơm”.

            Ndrel đah nau nê, wa Nguyễn Thanh Phúc, gu\ tâm ngih êp ngih wa Quyên đah nau rvê, nkoch:

            “Dak hoch jur ri klôn rdu ndoh ndơ, ngih ăch chrach, neh ngih, mpir ngih geh chah đang. Phung hên klach rlâm ri di\ng hăn manh ngih bau gay ma gu\. A[aơ âk rnăk tâm, ntu\k aơ ri lah măng saơ mih ri mô janh bi\ch ôh. Di\ng le\ nê ho\ dâk gay ma uănh dak geh lăp tâm ngih đo\ng lah mô gay ma rdâng. Lah mih têh hôm ri, lah mô dơi rklaih mpeh ba lơ ri mra rlâm ngih ngăn. Phung hên u\ch N’gâng kan kơl rklaih an nau nê kơl an [on lan”.

            Wa Ngô Hồng Nhật-Groi Kruanh UBND Phường Tân Lập, nkuăl [on têh Buôn Ma Thuột ân gi\t, jêh geh nau kan nê tât, ri păng nơm ndrel rlau 40 nu\ih cán bộ tahen dân quân tự vệ phường jur ta ntu\k gay ma ntrơn kơl ân bu ranh, kon se ndrel drăp ndơ luh tât ntu\k gu\ đăp mpăn, nkre [ư kơp rnoh khuch gay ma đă n’gâng kan ân geh nau kơ an:

            ‘ Tâm ntu\k hẻm 193 geh ntu\k dêh lơn tâm ntu\k [ư nau kan mpeh nkra trong hăn yor ri ma rnôk dak hoch jur ri lơh khuch tât ăp rnăk [on lan. Phung hên kơp ri geh 5 rnăk đang mpir ngih, rluh neh ngih, 2 rnăk êng ri rlâm le\ ngih u\nh ndrel ăp ngih ach chrach. Phung hên năl aơ lah nau khuch khat ngăn. Jêh nê, UBND Phường ho\ ndâk rmôt kan mêt uănh, năl ndrel nchih nau đă Ntu\k kan tơm kơl neh ntu n’gor Dak Lak geh nau kơl rklaih ân rjăp gay dak hoch jur tâm nkuăl ăp rnăk tâm hẻm 193, tổ dân phố 6,, trong Nguyễn Văn Cừ gay der khuch ân nu\ih [on lan”.

            Ti\ng ntu\k kan hun hao tơm neh ntu bah n’gor Dak Lak, tâm tổ dân phố 4 phường Tân Lập, a[aơ geh 2 bôk nau kan nkra gung trong ngih vâl, Tâm nê, bôk nau kan nkra nkuăl [on lan gu\ yor Ntu\k kan [ư tơm ntuh kơl ho\ nsru\ng kan ntơm khay 5 năm 2019, yor ê geh ntrơn ntu\k gay ma nkra, hôm e lah nau kan nthoi trong hăn trong Lê Vụ êp đah mpeh ba dâng. Ntu\k nkra trong aơ yor Công ty TNHH ndâk nkra ntung trong Hoàng Nam geh ntu\k pah kan ta Nkuăl [on têh Buôn Ma Thuột, dôl ntru\nh kan.

            Wa Hồ Trung Dũng-Groi Giám đốc Ntu\k kan Hun hao tơm neh n’gor Dak Lak năl: Ntu\k kan ho\ ndơn geh nau mbơh tâm ăp rnăk ta hẻm 193 trong Nguyễn Văn Cừ, Phường Tân Lập geh dak klôn rdu tă bah tổ dân phố 4 jur [ư djơh ngih vâl, lơh khuch tât nau rêh, khuch tât văng sa.

            Wa Dũng ân git, bah nau kan mêt uănh, rmôt kan saơ bah năp nê Công ty Hoàng Nam ho\ do\ng máy chuah uih le\ lơi mpir rchăng dak mih yor ri ma geh nau khuch nê. Ntu\k kan ko\ [ư săm [u\t mbơh đă tât UBND n’gor Dak Lak mhal ntu\k kan aơ, nkre đă công ty ân geh nau kan ân dơi rklaih lơi nau khuch ndrel geh nau kan trok tâm ân [on lan.

            Bri mih ta Dak Lak hôm geh ơm, ăp tơ\ mih tât ndal ko\ têh rlau âk năm bah năp nê, ăp rnăk ta Hẻm 194 trong Nguyễn Văn Cừ, Phường Tân lập hôm geh nau rvê ơm./.

                                                Nu\ih rblang: H’Thi