VOV4.M’nông: Ăp n’gor Tây Nguyên lah nsum ndrel Dak Lak lah nsum hŏ lăp tâm yan mih. Yơn lah, râm xã Ea Siên, nkuăl têh Buôn Hồ, n’gor Dak Lak ê geh mih, ăp ntŭk n’gâr dak kro suăt ƀư bơi tât 2000 ha tơm tăm geh khuch ndrel rlau 1.400 rnăk ƀon lan mô tŏng dak dŏng. Nau kơp bah UBND xã Ea Siên ân saơ, yan mih năm 2021, lam xã geh bơi tât 2000 ha tơm tăm ăp ntil.

Tâm nê geh 1.500 ha tơm tăm jŏ năm kơt cà phê, tiêu, mắc ca, nhãn, hôm e lah rlau 500 ha tơm tăm geh gleh nar, geh: ba, mbo, tuh ndrel rmit. Tĭng UBND xã Ea Siên, nau prăng bri tâm xã hŏ geh bah âk năn, ngăn lah tâm yan vai. Yơn lah, nau ma prăng bri tâm nklang yan mih ri mô mâp geh. Prăng bri mô êng knŭng lơh khuch bơi tât 2000 ha tơm tăm, ma hôm geh rlau 7.500 nŭih tâm xã mô tŏng dak dŏng./.

Nŭih rblang: H’Thi