VOV4.M’nông: Nau mbơh tă bah Công an nkuăl Krông Pách, n’gor Dak Lak, ntŭk kan mêt uănh công an nkuăl nkuăl dôl ma ƀư nau uănh n’ôi, ƀư kloh nkô̆ rlâm lò gạch tâm xã Ea Yiêng ƀư 3 kon se khĭt ndrel rmanh. Nŭih khĭt geh năl lah mom Gia Nhi, 8 khay, 2 mom rmanh lah Du Mi, 7 năm ndrel Du Hi, 5 năm, lĕ 3 mom gŭ tâm xã Ea Yiêng, nkuăl Krông Păk, n’gor Dak Lak. Du hê nŭih tâm rnăk vâl bah ăp mon mbơh, nau nê geh rnôk 3h30 kêng măng 18/5, rnôk 3 mon Mi, Hi ndrel Nhi hăn ntŭk n’ông gạch bah rnăk vâl pâl ndrel mô lap geh rlâm ngăn mpir gach, ntŭn săk. Rnôk nê, âk nŭih dôl pah kan tâm ntŭk. Saơ ngăn kon se Mi, Hi ndrel Nhi dôl geh mpir ntŭn, ăp nŭih ngăch kơl leo hăn ngih dak si nkuăl Tây Nguyên gay ma săm, yơn yor rmanh jru ir, mon Nhi khĭt, gôm mom Mi ndrel Hi dôl ma geh săm tâm ngih dak si. Công an nkuăl Krông Pách tât uănh ta ntŭk gay ma uănh kloh nkô̆ rlâm./.

Nŭih rblang: H’Thi