VOV4.M'nông: Rlău 2 khay rgŏ jă bôk nău kan “Sóng n'hanh máy tính an oh”, n'gâng kan ntĭm nti n'gor Dak Lak hŏ rgop geh 4,5 rmen prăk ntop kơl máy tính, điện thoại an ăp kon se nti geh nău rêh jêr jŏt. Tĭng Sở Giáo dục- Đào tạo n'gor Dak Lak, ta năp nău tât krit nji n'hanh geh ma nău ntoch jong bah nuh srê COVID-19, lam n'gâng kan ntrŏng nău ƀư ntĭm nti pơk sŏng dăng lah trong nkra đăp mpăn n'hanh mbra hôm an ƀư jŏ jong.

Yơn lah, lam n'gor hôm rlău 268.000 kon se nti mô geh ndơ ma pơk nti sŏng dăng; tâm nê, kon se nti gưl tiểu học mô geh ndơ pơk nti bah ngai, âk rlău 60%. N'gâng kan ntĭm nti Dak Lak dôl rgŏ jă tay ăp nuĭh lŏng nuih n'hâm, ăp nuĭh way hăn kơl ndơ rgop tĭng ƀư bôk nău kan “Sóng n'hanh máy tính an oh”, nkre n'hao nău dơi tam bah bôk nău kan, rƀŏng tât ƀư lôch jêh nău kan "Rlu hăn tât nhih nti yơn mô rlu nău ntĭm nti"./.

Nuĭh rblang: Điểu Thân