VOV4.M’nông: Nar 28/7, Nkual ƀon têh Buôn Ma Thuột, n'gor Dak Lak ƀư sŏk mham uănh năl ngăch kháng nguyên SARS-CoV-2 đah lĕ rngôch ăp Shipper kan ta nkual gay sơch ăp nuĭh mĭn geh ntưp.Gay dơi sŏk mham sơch uănh năl ngăch kháng nguyên SARS-CoV-2, ăp Shipper ân hăn tât nuĭh tơm mât kan gay sŏk si ƀŭt dơn năl lah ăp Shipper.

Lôch nê, ăp Shipper hăn tât ntŭk Nhih nti Phổ thông dân tộc nội trú – Trung học cơ sở nkual ƀon têh Buôn Ma Thuột, mbrô 395, trong Phan Bội Châu, phường Thành Nhất gay sŏk ntil mham uănh năl. Ƀư sŏk mham uănh năl nchrăp tâm bar nar, ntơm bah nar 28 tât 29 khay 7. Nkual ƀon têh ntrŭt nsôr ăp Shipper hăn uănh năl mham gay sơch ăp nuĭh mĭn geh ntưp, kơl pah kan njrăng n'gang nuh srê uĕh lơn./.

Nuĭh rblang: Điểu Thân