VOV4.M’nông –Ta bar xã Ea Pil n’hanh Cư Prao bah nkuâl M’Drăk, n’gor Dak Lak, âk rnăk [on lan kan lo\ mir ho\ nănh rgâl ăp ntil tơm glêh nar jêng tăm tơm nhãn lồng ntil Hưng Yên. Lor bôk năp ntil dơm ndjôt bah miền Bắc ho\ an geh nău dơi săk jêng ndal, du đêt rnăk [on lan kan lo\ mir ns^t geh prăk rmen ăp năm.

 Kơt dâng âk rnăk ta nkual neh sât blak thôn 3, xă Ea Pil, nkuăl M’Drắk, tâm âk năm, wa Phạm Đình Thướng knu\ng bên đah bum, tao, tuh, mbo. Wa\r năm pah kan o\k r’ah ma tât le\ yan lah rnăk wâl le\ prăk. Wât nău mô to\ng mô ăp wa\r năm, năm 2014, wa m^n an rgâl le\ rngôch 3 ha neh tuch tăm bah rnăk wâl an tăm nhãn rsau Hưng Yên, jêh rnôk uănh joi du đêt mir tơm tâm n’hanh bah dih nkuăl. Le\ rngôch mir nhãn dơi nglăp trong to\ dak nâp nâl hoch êng, đăp mpăn tơm hao jêng ueh tâm le\ yan wai duh n’at êng bah nkuăl. Jêh rnôk do\ng 230 rkeh prăk ntuh kơl ndrel âk n’hâm soan dak rhal bah 3 năm ntơm jêng, nhãn rsau Hưng Yên ta nkual neh choh sât blak M’Drắk le\ an săk rnglăy âk lơn nău mpo\ng kâp.

 “Du ha nhãn ta aơ gâp tăm nklăp 620 tơm, kơp geh đah 30kg/tơm, kơt r^ ding le\ 1 ha geh nklăp rlău 20 tấn. Lah 20 tấn a[aơ kơp đah rnoh khlay nklăp 25-30 rbăn ri du ha an geh rlău 500 rkeh prăk”.

Du ha nhãn dơi geh bah 450-500 rkeh/năm

Rnăk wa Đỗ Văn Đức ta thôn 4, xă Ea Pil, nkuăl M’Drắk lah rnăk ndro\ng knơm tăm nhãn rsau. Wa Đức an g^t, 4 năm bah năp, wa knu\ng rlong tăm 20-30 tơm nhãn. Rnôk saơ tơm hun hao ueh nđir, tâm di đah neh ntu tâm nkual jêng janh ntuh kơl prăk rgâl le\ rngôch 3ha tao an tăm 2.000 tơm nhãn. Tât a[aơ, mir nhãn le\ ring geh play rklê:

 “Tơm nhãn ta aơ nkôp đah neh ta hên du\t tâm di. Lah tâm yan 2017-2018, du ha geh 17-20 rkeh, săk rnglăy tơm nhãn nkôp đah tao âk bah 9 tât 10 tơ\.

Nău kan lo\ mir Dak Lak r[o\ng t^ng ndơ kloh ueh di VietGap

T^ng Jrô kan tuch tăm mât rong n’hanh hun hao [on lan nkuăl M’Drắk, lam nkuăl a[aơ geh nklăp 1.100ha tơm sa play, geh vải thiều, sầu riêng, bơ, cam quýt n’hanh nhãn. Tâm ne\, tơm nhãn geh têh ngăn đah nklăp 350ha, rgum âk ta 2 xă Ea Pil n’hanh Cư Prao.

Wa Nguyễn Thế Thập-Kruanh jrô kan tuch tăm mât rong n’hanh hun hao [on lan nkuăl M’Drăk an g^t, jêh 5 năm mbơh [ư, bôk năp nhãn đăp mpăn, ntu\k kan le\ n’hanh dôl ntop kơl [on lan 2 xă Ea Pil n’hanh Cư Prao ndâk njêng hợp tác xã tăm nhãn kloh ueh t^ng di VietGap n’hanh le\ geh 30 rnăk râng:

Tơm nhãn u\ch đêt dak tăm ta neh choih

 “Gay hun hao tơm nhãn nâp nâl ri nău kan tuch tăm lo\ mir gâp [ư tâm rgop đah ăp rnăk [on lan jêng ăp rmôt kan ndrel, HTX tăm tơm sa play. Tâm rgop tăch rgâl đah ăp doanh nghiệp gay nta an nu\ih [on lan, gay nta an ntu\k tăch ri an geh ndơ kloh ueh. A[aơ, mpôl hên du\t uănh m^n tât ntil tơm tâm di, ueh kah Vietgap. N’hanh ký ton đah ăp doanh nghiệp gay tăch an kônh wa tâm năm tât.

Tâm rnôk rnoh khlay ăp ntil ndơ lo\ mir ta Dak Lak kơt: cao su, cà phê, tiêu, tao dôl hu\ch âk n’hanh khlay mô ring, ri nău hun hao âk ntil bah ăp tơm sa play ta nkuăl, dôl an saơ ăp nău ueh. Nău kan lo’ mir n’hanh n’gâng kan [on lan dôl nsrôih ntop kơl nu\ih [on lan tăm t^ng trong khlay, dôl kơl nău kan tơm sa play ta n’gor mbrơi jêng, tâm di đah t^ng nkual tăm n’hanh nău u\ch bah ntu\k rwa\t, kơl nkra njêng dơi nâp nâl n’hanh n’hao săk rnglăy wa\ng sa./.

            Nu\ih rblang: Y Sưng Phê Ja