VOV4.M’nông: Ăp nar aơ, Liên đoàn lao động n’gor Daklak dôl [ư âk nău nkah g^t 40 năm nar ndâk njêng (27/1/1977-27/1/2017). Ăp năm bah năp, ăp gưl công đoàn ta n’gor le\ geh âk bôk nău [ư mât uănh nău dơi geh n’hanh mât uănh nău rêh an công nhân viên chức nu\ih pah kan. Ntoh lư lah bôk nău kan “Jay n’hu\t răm công đoàn” le\ ndâk [ư rhiăng mlâm an ăp rnăk jêr jo\t. Tết aơ, âk rnăk phung pah kan geh nău rêh jêr jo\t ta nkuăl n’har bri Buôn Đôn, n’gor Daklak dơi trơn tât gu\ tâm jay mhe yor bôk nău kan “Jay n’hu\t răm” ntop kơl.

            Ăp nar dăch Tết nguyên đán Đinh Dậu 2017, tâm trôm jay 90m² mhe [ư bah ur sai nô Hoàng Trung Hiến, (rnoi Tày) ta thôn 12, xã Tân Hoà, nkual n’har bri Buôn Đôn khuh n’gôr rhơn răm. Nô Hiến nkoch, gu\ ur bơi 16 năm aơ yơn tết năm aơ mbra lah tết du\t rhơn, du\t nkah.

            Đah a[aơ mô ho\ tât 3 khay, rnăk ân rêh tâm jay sat nchop nchep 20m², poăn ding mpir blo\ng, chor tôn trôm bluh. Saơ nău rêh jêr jo\t, khay 9 năm 2016, Liên đoàn Lao động nkuâl Buôn Đôn ntop kơl rnăk hên 50 rkeh prăk bah bôk nău kan “Chor jay n’hu\t răm công đoàn” gay [ư jay. Bah tơm prăk kơl dja, ntop đah du đêt prăk rgop, rnăk nô le\ [ư dơi jay têh hvi, nâp ue\h. nô Hiến rhơn nkoch:

            “Ăp năm bah năp nơh, gu\ rêh tâm jay đar ơm ôm sat, ri blo\ng bah năp, blo\ng bah kơi, bah dâng ri neh jêng du\t jêr jo\t. mhe aơ, dơi ăp gưl công đoàn mât uănh, ntop kơl rnăk [ư dơi jay mhe nâp ue\h dja, nklăp năm aơ wơt tết tâm jay mhe dja rnăk gâp mbra du\t rhơn răm, ăp to\ng n’hanh rhơn âk lơn”.

            Dơi ntop kơl 30 rkeh prăk bah bôk nău kan “Chor jay n’hu\t răm công đoàn” bah Liên đoàn Lao động nkuâl Buôn Đôn đo\ng, rnăk yuh Lê Thị Bích Phượng ta thôn 15, xã Tân Hoà le\ [ư dơi du mblâm jay nâp ue\h, têh hvi rlău 70m². yuh Phượng an g^t, gu\ sai rlău 7 năm, sai mô geh nău kan đăp mpăn, du hê prăk khay công chức bah yuh mô to\ng 4 nu^h sa. Gay ntop tay nău geh, yuh dơn [ư mpôih nhih jay an nhih pah kan bah dih mông gay joi nău rêh. Mât bar hê kon mbiach hăn nti jêr jo\t, o\ r’ah, jêng mô nănh m^n tât nău [ư jay. Yuh Phượng an g^t:

            “Ntơm nơh, bar hê ur sai [ư dơn to\ng mât ăp kon dơm mô nănh m^n lah geh jay gu\ kơt aơ. Nơm geh nău mât uănh bah Công đoàn khối Đảng n’hanh nsum mpôl le\ ntop kơl rnăk hên 30 rkeh prăk rgop gay [ư du mblâm jay kơt nê|. Tết năm aơ, geh jay mhe gu\ hôm le\ ur sai oh kon sa tết rhơn ngăn, mô hôm rvê đo\ng ôh, a[aơ dơn rvê pah kan đăp mpăn dơm.”

            A[aơ, Liên đoàn Lao động nkuâl Buôn Đôn, n’gor Dak Lak geh 53 công đoàn tâm dâng, đah bơi 2000 công nhân viên chức nu^h kan, rnoh rnăk ach o jêr jo\t mô geh nhih jay gu\ ta nkuâl âk tât 8%. T^ng uănh năl bah Liên đoàn Lao động n’gor Dak Lak, Buôn Đôn lah nkuâl hăn lor bôk năp tâm pah kan rgo\ jă rgop prăk nkrem “Chor jay n’hu\t răm công đoàn” ta n’gor. Kơp êng ntơm bah năm 2006 tât a[aơ, prăk nkrem “Chor jay n’hu\t răm công đoàn” le\ rgop geh rlău 5,2 rmen prăk gay [ư mhe nklăp 150 mblâm jay an rlău 150 đoàn viên đăp mpăn nău rêh gay đăp mpăn pah kan. Wa Mai Lin, Groi kruanh Liên đoàn Lao động nkuâl Buôn Đôn an g^t: Bôk nău kan “Chor jay n’hu\t răm công đoàn” lah bôk nău kan geh nkô| khlay, kơl cán bộ viên chức nu^h kan jêr jo\t mpeh jay gu\ “Đăp mpeh geh ntu\k gu\ rêh mơ ue\h lăng nău kan”.

            “Ăp đoàn viên công đoàn ma geh dơn jay gu\ “Chor jay n’hu\t răm công đoàn” ri khân păng du\t rhơn, nđơr yor dơi công đoàn ăp gưl mât uănh, khân păng mbra đăp mpăn t^ng [ư jăp nău kan dơi jao. Tâm năm 2017, rlău ma tơm rgo\ jă bah đoàn viên công đoàn ri Liên đoàn Lao động nkuâl mbra geh trong nkra mhe lah rgo\ jă tay ăp doanh nghiệp gu\ kan ta nkuâl kơl gay [ư tay “Chor jay n’hu\t răm công đoàn” an đoàn viên”./.

Nu^h nchih rblang: Điểu Thân