VOV4.M’nông – Kêng măng nar 15/7/2021, n’gor Dak Nông kơp dơn tal 5 ntưp Covid-19 lah ƀĭt ndeh hăn rlău n’gor. Nuĭh ji bu klô 40924 lah V.H.L.E, deh năm 1991, gŭ ta thôn Mỹ Long, xă Mỹ An, nkuăl Chợ Mới, n’gor An Giang. Rnôk hăn rlău n’gor Dak Nông pơng geh đă sŏk uănh năl srê đah test ngăch n’hanh an saơ ntưp đah kaman Sars-CoV-2 rnôk 9 mông 15 mnĭt nar 15/7/2021. Nuĭh ji ngăch dơi nău kan dak si sŏk mham njuăl Ntŭk uănh nđôi kop ji n’gor uănh năl mĭn lah đah kỹ thuật RT-PCR n’hanh an saơ ntưp rnôk 4 mông 45 mnĭt ndrel nar. Nuĭh ji lĕ dơi rdêng đah ndeh way dŏng hăn nkual nkhah êng săm Covid-19 bah n’gor. Jêh rnôk kơp dơn nuĭh ji, rmôt kan dơi kan lĕ joi 4 nuĭh mâp êp n’hanh dôl ƀư nkah êng dak si sŏk mham ji gay uănh năl. Nkre nău kan dak si puh rao kaman, lĕ rngôch nkual kâp njrăng Cai Chanh n’hanh nkual ƀư uănh năl test ngăch bah Ngih dak si nkuăl Dak Rlâp.

Nŭih rblang: Y Sưng Phê Ja