VOV4.M’nông – Tât aƀaơ hin, lam n’gor Dak Nông lĕ hun hao geh 320 hợp tác xã, đah rlău 18.000 nuĭh. Tĭng uănh lah bah UBND n’gor Dak Nông, ăp hợp tác xã lĕ rgâl ntrong pah kan tĭng Luật hợp tác xã 2012 geh njoăt rgâl mhe, nar lơ pơk hvi n’hanh hun hao, rgop rgâl muh măt ƀon lan. Năm 2021, nsĭt geh rĭng bah ăp hợp tác xã ta Dak Nông geh bơi 1,5 rmen prăk, pă nău kan ƀa ƀơ an bơi 4000 nuĭh đah prăk khay rĭng 70 rkeh prăk du hê.

Dak Nông hun hao wăng sa hợp tác xã

Lơn lah tâm nău kan lŏ mir, ăp hợp tác xã dôl uănh khlay trong ndâk njêng ăp nkual lŏ mir kơt dŏng công nghệ mhe bah n’gor, tâm rgop rgum ƀon lan nkra njêng tĭng trong khlay ndơ. N’gor lĕ geh 8 nkual tuch tăm lŏ mir kơt dŏng công nghệ mhe; lĕ geh 12 ntil ndơ bah ăp hợp tác xã geh tâm di 3-4 sao tâm bôk nău kan du xă du ntil ndơ (OCOP), dơi tăch n’gluh tât ntŭk jêr ngăn kơt châu Âu.

Nŭih blang: Y Sưng Phê Ja