VOV4.M’nông – Nar 27/7, n’gor Dak Nông kơp dơn tay 4 nuĭh nuĭh ji ta Dak Mil lah nuĭh kan dak si ntưp Covid-19 lah F1 bah nuĭh ji 98494. Ăp nuĭh ji aơ lah nuĭh kan dak si bah năp nĕ geh mâp êp đah nuĭh ji 98494, n’hanh dơi sŏk mham ji uănh năl đah kỹ thuật Realtime RT-PCR, an gĭt ntưp đah kaman SARS-CoV-2 rnôk 10 mông 25 mnĭt nar 27/7. Jêh rnôk saơ ntưp đah kaman SARS-CoV-2, nău kan dak si ndrel rmôt kan dơi kan lĕ nkhah êng n’hanh rdêng nuĭh ji đah ndeh way dŏng hăn ngih dak si rdâng săm mrô 1 (Ngih dak si nkuăl Dak Mil). NKre ntơm puh rao lĕ rngôch jay gŭ bah nuĭh ji, ăp ntŭk nuĭh ji tă hăn tât n’hanh ăp ntŭk geh ntưp. Ăp rmôt kan lĕ ngăch joi 42 nuĭh F1 mâp êp đah ăp nuĭh ji. Aƀaơ nău kan dak si ndăn uănh nđôi ntŭk hăn, ăp ntŭk nuĭh ji tă hăn/tât/gŭ tâm 14 nar bah năp n’hanh uănh nđôi, joi ăp nuĭh mâp êng. Tât aƀaơ n’gor Dak Nông lĕ kơp dơn 46 nuĭh ntưp Covid-19.

Nuĭh rblang: Y Sưng Phê Ja