VOV4.M’nông: Tât lơ 19/11, n’gor Dak Nông hŏ geh chugh lôch 100% rnoh chuh tal 1 ndrel nklăp 36% rnoh chuh vắc xin njrăng srê Covid-19 ân ăp nŭih ntưp 18 năm hao gŏ lơ. Ntŭk kan nkân njrăng srê ji n’gor Dak Nông (CDC) mbơh, lam n’gor geh 445.000 nŭih   rlau 18 năm tŏng nau dơi chuh vắc xin Covid-19. Tât lơ 19/11, Dak Nông ndơn geh rlau 708.600 dĭng vắc xin ăp ntil AstraZeneca, Pfizer, Moderna, Vero Cell tă bah N’gâng kan dak si ndrel hŏ ntrŭnh chuh geh bơi tât 587.600 dĭng.

Geh chuh rơh 1 tŏng ân 100% rnoh nŭih rlau 18 năm, ndrel chuh rơh 2 geh 36%. Rlau 120 rbăn dĭng hôm e dôl geh ƀư chuh klôn tâm ăp nkuăl tâm n’gor. Tâm pơh aơ, lah geh ndơn 181 rbăn dĭng vắc xin tă bah N’gâng kan dak si, nchrăp lôch khay 11 aơ n’gor mra chuh vắc xin rơh 2 ân nŭih rlau 18 năm geh 65%, ndrel chuh 100% tâm nklang khay 12 tât./.

Nŭih rblang: H’Thi