VOV4.M'nông: Nar 14/6, Ƀan rđău đă njrăng, n'gang nuh srê ta nuĭh n'gor Dak Nông dăn đă Tỉnh uỷ, UBND n'gor Dak Nông mĭn uănh mƀơk lhoi du đêt trong njrăng, n'gang nuh srê Covid-19 gay tĭng ƀư rnoh tât ndrop nkre njrăng n'gang nuh srê, nkre hun hao wăng sa- rêh jêng kon nuĭh.

Tĭng nê, n'gor Dak Nông mbra mĭn uănh an pơk tay ăp nău kan nchuăn rdeng năch kơt ơm hăn đah ăp n'gor mô hŏ geh nuh srê mô lah geh nuh srê yơn hŏ rlău 14 nar mô hŏ geh nuĭh ntưp mhe. Ăp ntŭk tăch rgâl, rhŏ dŏng, ngêt sa...dơi an pơk tăch yơn ân tĭng ƀư ăp trong nkra đăp mpăn njrăng, n'gang nuh srê, nău nđăp nsao, khĭt yot dơi an ƀư yơn mô rgum âk rlău 30 nuĭh. Yơn lah, n'gor Dak Nông đă ăp nkuâl ân tĭng grêt dêh nău tât bah nuh srê ta ntŭk, lor nchrăp ăp tŏng ndơ dŏng khlay gay rdâng lơh đah ăp nău tât ntoh luh bah nuh srê, nkre, đă nuĭh ƀon lan tĭng ƀư tay jăp nău way 5K bah Bộ Y tế.

Nuĭh rblang: Điểu Thân