VOV4.M’nông: Lơ 7/7, n’gor Dak Nông ndâk tay 2 ntŭk mêt uănh tâm trong Quốc lộ 14 ndrel Quốc lộ 28 gay ma mêt uănh, mbơh nau kan dak si mpeh nau njrăng, rdâng srê Covid-19. Ntŭk njrăng rdâng bôk năp geh ân tâm trong Quốc lộ 14 tâm êp ma n’gor Dak Lak. Ntŭk tal 2 geh ân tâm trong Quốc lộ 28 tâm êp ma n’gor Lâm Đồng.

Ăp ntŭk mêt uănh aơ geh nau kan ân nsrŭng ăp bôk ndreh rdeng rnôk lăp tâm Dak Nông, gay ma mêt uănh duh n’ik săk jăn, ndơn nau nkoch mbơh dak si ndrel trong hăn tâm n’gor. Lah geh saơ ăp nŭih geh ntôn ntưp geh srê ji mô lah tât nkuăl geh srê mra geh leo nkhah ndrel mbơh ân Rnâng kan rđau nau njrăng, rdâng srê Covid-19 n’gor gay ma geh nau kan rklaih năn./.

Nŭih rblang: H’Thi