VOV4.M'nông: Rgum rđău đă lĕ n'hâm suan, droh rklaih jêr jŏt, kŏ kol, rlău 1 khay, n'gor Dak Nông hŏ n'gluh ngăch ndal tơm prăk ntuh kơl ngih dak, geh tât rnoh bơi 70%, âk rlău rnoh geh nsum bah lam dak. Kơp tât khay 10, n'gor Dak Nông hŏ n'gluh tơm prăk ntuh kơl ngih dak 1.500 rmen prăk, geh bơi 70% tơm prăk dơi jao năm 2021. Nău dŭt nkoch lah mhe bah năp nê nơh rlău du khay dơm, tâm rnôk 25/8, n'gor n'gluh tơm prăk mô hŏ tât 40%.

Nău "Đăt ngăch ndal" tâm nău ƀư, pă an tơm prăk an ăp ndơ ntuh kơl ngih dak ri tơm prăk ngân sách ngih dak lah nơm geh ăp nău rđău đă rkĭt dêh, lĕ n'hâm suan bah kruanh rđău kan ta n'gor. UBND n'gor Dak Nông, an gĭt, aƀaơ n'gor dôl ôp uănh tay lam lĕ rngôch, rgâl tơm prăk bah ăp ntŭk nchrăp kan geh rnoh n'gluh tơm prăk đêt an ăp trong nchrăp kan geh nău ŭch kơi ntop tơm prăk; tĭng groi nđôi, droh rklaih jêr jŏt, ntrŭt ntrôl ăp nuĭh tơm ntuh kơl, ăp nkuâl ndăn trôk nar sơh uĕh ăp khay kêng dŭt năm gay ntrôl ngăch ƀư nău kan./.

Nuĭh rblang: Điểu Thân