VOV4.M’nông – Nar 21/7, n’gor Dak Nông lĕ ƀư nkhah êng dak si lam xă Dak Wer, nkuăl Dak Rlâp gay njrăng srê Covid-19. Tĭng nĕ, jêh rnôk na nao kơp dơn 4 nuĭh ntưp Covid-19 lah F1 bah nuĭh ji mrô 60204, gŭ thôn 10, xă Dak Wer, nkuăl Dak Rlâp lah nuĭh ji bah nkual ƀon têh HCM sĭt, nău kan dak si lĕ ndăn joi geh 15 nuĭh mâp dăch, nkre ntơm nchoeng n’gang nkual geh nuĭh ji n’hanh nkhah êng ăp nuĭh geh tât. Yơn lah gay đăp mpăn an trong kan njrăng, n’gang srê Covid-19 nkuăl Dak Rlâp lĕ ntơm ndâk ƀư nkhah êng dak si lam nkual pah kan xă Dak Wer. Nar nkhah êng 14 nar, ƀư tĭng bah nar 21/7 n’hanh tĭng nu nău srê nar nkhah êng dơi jŏ lơn.

            Nŭih rblang: Y Sưng Phê Ja