VOV4.M’nông: Lơ 4/5, UBND n’gor Dak Nông mhe geh nau ntrŭnh đă mpeh nau nsrŭnh nau kan bah du đê̆ nau gay ma ƀư ân rjăp ăp nau kan njrăng, rdâng srê Covid-19. Tĭng nê ntơm măng 4/5, du đê̆ nau kan mô geh khlay ngăn kơt lah quán Bar, Karaoke, vũ trường, nau pâl điện tử mra geh nau ntưp srê Covid-19 tâm n’gor ân geh nsrŭnh kan. UBND n’gor đă ăp n’gâng kan, ntŭk kan, nkuăl mô ƀư ăp nau rgum âk nŭih lah mô geh khlay, ƀư rjăp ăp nau kan mpeh nau njrăng rdâng tĭng di nau ntrŭnh. Aƀaơ, Dak Nông ê geh kơp dơn nŭih geh ntưp srê Covid-19 ndrel srê tâm n’gor dôl geh nkân ueh. Kơp tât lơ 3/5, lam n’gor geh 31 nŭih geh nkhah, uănh. Ta Mondulkiri, Campuchia geh trong n’har tâm dăch ma Dak Nông hŏ kơp dơn geh ntưp srê Covid-19 tâm ƀon lan yor ri ma nau ntưp rêng bah trong n’har bah n’gor lah geh hô./.

Nŭih rblang: H’Thi