VOV4.M’nông: Di nkah 131 năm nar deh Kruanh Hồ Chí Minh, ôi lơ 19/5, tâm xã Dak Nia, nkuăl ƀon têh Gia Nghĩa, UBND n’gor Dak Nông ƀư nau rgŏ jă “têt tăm tơm si mro mrăng nkah gĭt Wa Hồ” ndrel tăm nkah tơm si năm 2021. Tâm nar rgŏ jă, rđau kan n’gor Dak Nông kuăl jă ăp cán bộ, nŭih kan, tahen ndrel nŭih ƀon lan tăm đê ngăn du tơm si ndrih, kơt tĭng nau wa Hồ kuăl jă gay mât ntŭk ntu, n’hao nau ndrih ueh.

Jêh rnôk rgŏ jă, 350 rlong dak ndrel tơm tơm khuăr hŏ geh tăm tâm ntŭk kan Nông nghiệp kơt tĭng nau kan mhe, xã Dak Nia, nkuăl ƀon têh Gia Nghĩa. Tâm rnôk aơ, ăp nkuăl tâm n’gor tăm nklăp 51.1000 tơm si ndrih. Wa Lê Trọng Yên, Groi Kruanh UBND n’gor Dak Nông mbơh, tâm n’gor Dak Nông bri nar lơn ma roh mpeh neh ndrel ma tơm si. UBND ŭch ăp n’gâng kan, ntŭk kan ndrel ƀon lan n’hao nau mât neh ntu, nsôih tăm tơm si, n’hao nau ueh tâm nau rêh jêng./.

Nŭih rblang: H’Thi